心曠神怡之天空

（台語，閩南語，福建話，河洛話，古漢語）

25. Argh, It Was Too Hot!

啊，足燒之！

　　當我學會曉走路了後，我對我周圍之物件攏感覺足好奇之。我摸會到之一切，我攏會捎起嘴內咬咬一下，抑是提起來耍耍一下。

　　阿姆伊是一個足頂真之奶母，有一天，阿姆伊正在焚滾水，伊心肝內咧想：「哦！滾水燒燙燙，如果心怡若戅戅(笨笨)伸手去拉燒水沽(壺)，若安呢是欲安怎？」

　　阿姆對我講：「心怡，茶沽(壺)足熱之，汝袂使去拉伊，如果滾水若倒佇在汝之身軀頂，汝會足疼之，汝就會嚴重燙傷，汝就愛去看醫生糊藥啊！」

　　阿姆伊等燒水沽(壺)之滾水卡涼啊一點，阿姆伊叫我過去，伊拉住我的手講：「心怡，來，摸一看脈，汝看茶沽(壺)有足燒否？」

　　我一摸到茶沽(壺)，我大喊一聲：「噢！」我之手縮轉來比霎那(閃電)又(閣)卡緊。

　　我心肝內咧想：「稍摸一下茶沽(壺)，我之手就那呢疼，如果茶沽(壺)內底之燒滾水，若倒佇在我之頭殼頂，抑是倒佇在我之身軀頂，那按呢我著真正會足疼之！」

　　由彼工開始，我若聽到序大人講「燒」這個形容詞之時陣，我就走到(甲)遠～遠遠。當然，由彼工開始，我嘛攏沒(袂)去摸茶沽(壺)啊！

　　文/站長 童楷耀
　　上傳日期2019年12月28日上午02:05
★現在先貼上文字稿，將來會為大家配上河洛話，以後再貼電子書，謝謝！
★站長知道錯別字蠻多的，站長會慢慢修正。
★若有懂台語的人願意協助修改，無限感激！

回書海情深的小故事目錄區