心曠神怡之天空

（台語，閩南語，福建話，河洛話，古漢語）

13. Guess What I Wanted

臆看脈，我想欲創什？

　　佇我學會曉講話進前，我攏是用哭咧(在)「講話」。每擺我哭之時陣，阮阿姆攏會臆我想欲創什。

　　阮阿姆伊是一個足竅(巧)又(閣)足頂真的奶母，伊由我之哭聲了解我之需求，無論我是腹肚枵(餓)啊，抑是愛睏啊，抑是我已經放屎抵(佇)在尿墊兒底，伊攏臆會到我欲創什。

　　當我開始「咿咿啊啊」咧學講話之時陣，我定定講：「啊！啊！」指揮阮阿姆伊為(甲)我做事誌(代誌)。

　　如果我「啊！啊！」之時陣，我之目睭若是一直看著阮阿姆之眼睛；

　　阮阿姆伊就會臆到我之意思是「抱我」。

　　如果我「啊！啊！」之時陣，我之目睭是看著遠遠之得桃物仔 (𨑨迌物仔，玩具)

　　阮阿姆伊就會臆到我之意思是「我欲要彼個得桃物仔。」

　　文/站長 童楷耀
　　上傳日期2019年12月24日上午3:18
★現在先貼上文字稿，將來會為大家配上河洛話，以後再貼電子書，謝謝！
★站長知道錯別字蠻多的，站長會慢慢修正。
★若有懂台語的人願意協助修改，無限感激！

回書海情深的小故事目錄區